Writings from the heart

പ്രീയ പ്രേക്ഷകരെ നമസ്കാരം 🙏 ഇന്ന് പാചകത്തിന് പകരം കുറച്ച് ടിപ്സ് നോക്കാം.😍 അതിരാവിലെ എണീറ്റ്‌ അടുക്കളയിൽ പാചകമെന്ന യുദ്ധത്തിൽ ഏർപ്പെട്ട് ക്ഷീണിച്ചു പോകുന്നുണ്ടോ നിങ്ങൾ?🙄 " ഉണ്ട്.. ഒരു പായയും തലയിണയും കൂടിക്കൊണ്ട് അടുക്കളയിൽ പോണോ? "😃 " അച്ഛാ ദേ ഈ അമ്മ വീഡിയോ എടുക്കണ്ട. ഇടയിൽ ചൊറിഞ്ഞോണ്ടിരിക്കും. "😡  എങ്കിൽ ചില പൊടിക്കൈകൾ ചെയ്തു സമയലാഭം ഉണ്ടാക്കൂ. സംഗതി ലഘുവാകും. "ഉവ്വ ഉവ്വ...😎" 1. എണീറ്റ ഉടൻ നേരെ അടുക്കളയിലേക്കു ചെന്ന് ഒരു ഇടത്തരം ചരുവത്തിൽ വെള്ളം അടുപ്പത്തു വച്ചിട്ട് ബാക്കി കാര്യങ്ങൾ ചെയ്യുക. മുഖമൊക്ക കഴുകി തിരികെ എത്തുമ്പോൾ ചായയ്ക്കും, പച്ചക്കറികൾ വേവിക്കാനും, കുക്കറിൽ ഉള്ളിൽ ഒഴിക്കാനും ഒക്കെ ഈ ചൂട് വെള്ളം ഉപയോഗിക്കുകയാണെങ്കിൽ സമയം ലാഭിക്കാം. 2. കടുക് ഇട്ടുവയ്ക്കുന്നപോലെ ഒരു ഡബ്ബയിൽ ഉഴുന്നും, കടുകും മിക്സ് ചെയ്ത്  ഇട്ടുവച്ചാൽ ഉഴുന്നിട്ടു കടുക് വറുക്കുമ്പോൾ വേഗം കാര്യം സാധിക്കാം. 3.വേഗം വേവിക്കാൻ പറ്റുന്ന കഷണങ്ങൾ ഉള്ള കറികൾക്ക് പച്ചക്കറി ഇട്ടു തിളച്ചാൽ വാങ്ങി മാറ്റി വച്ചിട്ട് അടുത്ത വേകാനുള്ളത് അടുപ്പിൽ വയ്ക്കുക. ഇത് റെഡി ആകുമ്പോൾ വാങ്ങി വച്ച പച്ചക്ക...

മാന്യപ്രേക്ഷകരെ ഇന്ന് നമുക്ക് ഒരു ആരോഗ്യ ഉരുണ്ട പരിചയപ്പെടാം. ആവശ്യമുള്ള സാധനങ്ങൾ. നേന്ത്രംപഴം- 2 നാട്ടുശർക്കര - നിങ്ങളുടെ മധുരത്തിനു അനുസരിച്ച്. നെയ്യ് - 4 ടേബിൾ സ്പൂൺ. തേങ്ങ - അരക്കപ്പ് കിസ്മിസ്, അണ്ടിപ്പരിപ്പ് - ആവശ്യത്തിന് ഗോതമ്പുപൊടി വറുത്തത് - അരക്കപ്പ്. ചീനച്ചട്ടിയിൽ 2 ടേബിൾ സ്പൂൺ നെയ്യൊഴിച്ച് ചെറുതായി നുറുക്കിയ നേന്ത്രം പഴം വഴറ്റുക. ഉടയുന്ന പാകമാകുമ്പോൾ ശർക്കര ചേർക്കുക. അപ്പോൾ ബാക്കി 2 ടേബിൾ സ്പൂൺ നെയ്യൊഴിക്കണം. ഇതിലേക്ക് കാൽക്കപ്പ് തേങ്ങയും, അണ്ടിപ്പരിപ്പും, മുന്തിരിയും ചേർക്കുക. അവസാനം വറുത്തു വച്ചിരിക്കുന്ന ഗോതമ്പ് പൊടിയും ചേർത്ത് ഇളക്കി വാങ്ങിവയ്ക്കുക. ഇത് ചൂടാറുമ്പോൾ ഉരുളകളാക്കി ബാക്കി തേങ്ങയിൽ പുരട്ടി എടുക്കുക. തേങ്ങ വേണ്ട എങ്കിൽ വറുത്ത ഗോതമ്പിൽ പുരട്ടി എടുക്കുക. എന്നും വറുത്തും, പൊരിച്ചും കഴിക്കാതെ ആരോഗ്യ  ഉരുണ്ടകൾ ഉണ്ടാക്കി കഴിക്കുക. പണി കുറവും, ഗുണം കൂടുതലും. അപ്പോൾ നല്ലൊരു വിഭവവും ആയി ഉടനെ കാണാം. നന്ദി, നമസ്കാരം 🙏🙏🙏

പ്രിയപ്രേക്ഷകരെ നമസ്കാരം, ഇന്ന് ഞാൻ അവതരിപ്പിക്കുന്നത് വിശ്വ വിഖ്യാതമായ ഉഴുന്നുരുണ്ട. വേണ്ട സാധനങ്ങൾ " അല്ല നീ ഇത് എവിടുന്നു പഠിച്ചു.?" വേണ്ട സാധനങ്ങൾ എല്ലാപേരും പറയുമല്ലോ! " അതല്ല.. ഈ ഉരുണ്ട." "ലാസ്റ്റവസാനം പറയാം. " "ഉം ഉം " തോടുള്ള ഉടച്ചതോ ഉടയ്ക്കാത്തതോ ആയ ഉഴുന്ന് - 1 കപ്പ് അരിപ്പൊടി - ആ കപ്പിൽ അരക്കപ്പ്. കരിപ്പുകട്ടി, നാട്ടുശർക്കര, പനവെല്ലം ഇതിൽ ഏതെങ്കിലും ഒന്ന്, നിങ്ങളുടെ മധുരം അനുസരിച്ച്  ഉരുക്കി അരിച്ചു കല്ല്, മണ്ണ് നീക്കിയത്. നല്ലെണ്ണ- ആവശ്യത്തിന്. ഉഴുന്ന് വറുത്തു പൊടിക്കുക. അരിപ്പൊടിയും ഒന്ന് ലേശം വറുക്കുക. രണ്ടും യോജിപ്പിച്ച്‌  അരിച്ചു വച്ചിരിക്കുന്ന പാനിയും ഒഴിച്ച് നല്ലോണം കട്ടകെട്ടാതെ ഒരു കരണ്ടി കൊണ്ട് അമർത്തി തേച്ച്, തേച്ച്  മിക്സ് ചെയ്യുക. പിന്നെ അടുപ്പിൽ വച്ച് കുറേശ്ശേ നല്ലെണ്ണ ഒഴിച്ച് ഇളക്കിക്കൊണ്ടിരിക്കുക. പാത്രത്തിൽ നിന്നും വിട്ടുവരുന്ന പാകംവരെ ഇത് തുടരുക. നല്ലെണ്ണയിൽ പിശുക്ക് വേണ്ട. പിന്നെ വാങ്ങി വച്ച് കൈയ്യിൽ നല്ലെണ്ണ തൊട്ട് ഉരുട്ടി എടുക്കുക. ഉണക്ക മുന്തിരി, അണ്ടിപ്പരിപ്പ് എന്നിവ ആവശ്യമെങ്കിൽ ചേർക്കുക. ഇത് തമിഴ് നാട്ടിൽ ഋതുമതിക...

പ്രീയപ്പെട്ട ചങ്ങായീസ് ഇന്ന് നമുക്ക് ഏഴുവീട് മണക്കുന്ന ഒരു മുട്ടക്കറി വയ്ക്കാം. " മോളേ നിനക്ക് ഈ റെസിപ്പി എവിടന്നു കിട്ടി?" " ആ ദര്ശഈശ്വർ  അവിടെ പോസ്റ്റില് തള്ളുന്നത് കണ്ടു. ഞാൻ മെസ്സേജ് ഇട്ടു ചോദിച്ചു വാങ്ങിച്ചു " "ഓഹോ " " അല്ലമ്മേ ഫോട്ടോ ഒക്കെ കണ്ട്  അവർ വയ്ക്കുന്നതൊക്കെ നല്ലതാണെന്നു പറഞ്ഞാൽ പൊട്ടന്മാര് വിശ്വസിക്കും. ആർക്കറിയാം? " "ങേ?" " ആണെന്നെ.. ഞാൻ വച്ച് നോക്കട്ടെ.. പിന്നെ എന്റെ കൈപ്പുണ്യത്തിനു എന്ത്‌ വച്ചാലും രുചിയുണ്ടാവും. അതാ ഒരു പ്രശ്നം. "😪 " ഉം.. അവള് വെറും തള്ളലെ ഉള്ളൂ. നീ തള്ളി മാറിക്കലല്ലേ "😜 " ഓ ഞാൻ ഒരു സത്യം പറഞ്ഞതാ "🙄 " അകത്തേക്ക് വരാമോ? " " അയ്യോ ഇതാര് ദര്ശയോ? " "അയ്യോ ആന്റി.. ഞാൻ ഇപ്പോൾ ആന്റിയെക്കുറിച്ച് പറഞ്ഞ് നാക്ക് ഉള്ളിലേക്ക് ഇട്ടതേ ഉള്ളൂ . എന്തോരം കഴിവുകളാ ആന്റിക്ക് എന്ന്.. 😍 " കുട്ടീ നീ നാക്ക് ഉള്ളിലേക്ക് ഇടുന്നതിനു തൊട്ടു മുൻപ് ഞാൻ എത്തി. അതുകൊണ്ട് എന്നെ പുകഴ്ത്തിയത് ഞാൻ കേട്ടു. ഹിഹി 😃 " അയ്യോ ആണോ.. ഹിഹി 😃 " അപ്പോൾ കൈപ്പുണ്യം ഉള്ള നിന്റ...

ഇന്ന് വാചകവും, പാചകവും പരിപാടിയിൽ ഞാൻ അവതരിപ്പിക്കുന്ന ഐറ്റം ആണ് അവിൽ ദോശയും, പച്ച കപ്പലണ്ടി മസാലക്കറിയും. ആദ്യം അവില് ദോശയുടെ റെസിപ്പി പറയാം. 1കപ്പ് പച്ചരി, കാൽകപ്പ് ഉഴുന്ന്, കാൽ കപ്പ് അവില്.. ഉഴുന്ന് തനിയായിട്ട് കുതിർത്തു അരക്കുക. അവില് അരയ്ക്കുന്നതിനു മുൻപ് 10 മിനിറ്റ്  അരിക്കൊപ്പം ഇട്ട് കുതിർത്തു ചേർത്തരച്ചു ഉപ്പിട്ട് കലക്കി പിറ്റേന്ന് ചുടുക. ആപ്പ മാവിന്റെ അയവിൽ കലക്കുക. വെള്ളം കൂടുതൽ ആയിപ്പോകരുത്. അടച്ച് വച്ച് ഒരുവശം വേവിച്ച് എടുക്കുക. അടുത്തത് പച്ച കപ്പലണ്ടി മസാലക്കറി എങ്ങനെ ഉണ്ടാക്കണം എന്ന് നോക്കാം.  പച്ച കപ്പലണ്ടി 1കപ്പ് നല്ലോണം കുതിർക്കുക. അത് ഉപ്പിട്ട് വേവിക്കുക. മിക്സിയിൽ 2 തക്കാളി,4 ചെറിയ ഉള്ളി, അരക്കപ്പു തേങ്ങ, അര സ്പൂൺ ഗരം മസാല,4 അണ്ടിപ്പരിപ്പ്, ഇഞ്ചി വെളുത്തുള്ളി പേസ്റ്റ് 1 സ്പൂൺ, മല്ലിപ്പൊടി 1 സ്പൂൺ, മുളക് പൊടി 2 സ്പൂൺ ( നിങ്ങളുടെ എരിവിനെ അനുസരിച്ച് )വേവിച്ച കടലയിൽ നിന്നും 15 കടല വെള്ളമൊഴിച്ച്‌  അരയ്ക്കുക. ചീനച്ചട്ടിയിൽ എണ്ണ ഒഴിച്ച് 1സ്പൂൺ ജീരകം ഇട്ടു അതിൽ 2സവാള പൊടിയായി അരിഞ്ഞത് വഴറ്റി അതിൽ അരച്ച മസാല ചേർത്തു (ഒരൽപ്പം മിക്സി കഴുകിയ വെള്ളം മാത്രം ഇപ്പോൾ ഒഴ...

പ്രീയ പ്രേക്ഷകരെ ഇന്നത്തെ വാചകവും, പാചകവും ആരംഭിക്കുന്നു. ഇന്നത്തെ വിഭവം വെൺപൊങ്കലും, ഗൊസ്തും. ങേ.. ഗുസ്തിയോ? " അമ്മേ അത് പാചകം കഴിഞ്ഞ്. എന്റെ ലൈനിൽ പരിപാടി തീരുന്നതുവരെ ക്രോസ്സ് ചെയ്യരുത്. " "ശരി ശരി.. തുടങ്ങു " ആദ്യം വെൺപൊങ്കൽ. ആവശ്യമായ സാധനങ്ങൾ. 1 കപ്പ് പച്ചരി അരക്കപ്പ്  ചെറുപയർ പരിപ്പ്. (രണ്ടും സമ അളവും ഇടാം ).ഈ അളവിന് മൂന്ന്‌ മുതൽ മൂന്നരക്കപ്പ് വരെ വെള്ളം വയ്ക്കാം.  അതായത് വെന്തു  കുഴയുന്ന പരുവത്തിൽ വേവിച്ചെടുക്കുക.  ചീനച്ചട്ടിയിൽ രണ്ട് ടേബിൾ സ്പൂൺ നെയ്യൊഴിച്ചു (നെയ്യ് കുറയ്ക്കുന്നവർക്ക് കുറയ്ക്കാം, പക്ഷേ നെയ്യ് കൂടുതൽ ആയാൽ രുചി കൂടും.) അതിൽ ഒരു ടേബിൾ സ്പൂൺ ജീരകം, 1 ടേബിൾ സ്പൂൺ ഉടച്ച നല്ലമുളക്, ഇഷ്ടം പോലെ അണ്ടിപ്പരിപ്പ്, കറിവേപ്പില എന്നിവയിട്ട്  ചുവക്കുമ്പോൾ ഇറക്കി വെൺപൊങ്കലിൽ ചേർക്കുക. വെള്ളചട്ണി, സാമ്പാർ പിന്നെ പപ്പടം അല്ലെങ്കിൽ ഗൊസ്തും, വെള്ളച്ചട്ണിയും , പപ്പടവും ഒക്കെ നല്ല കോമ്പോ ആണ്. ഗൊസ്തു എങ്ങനെ ആണ് വയ്ക്കേണ്ടത് എന്ന് പറഞ്ഞു തരാം.  ഗൊസ്തു ചെയ്യുന്ന വിധം  കത്തിരിക്ക - 4 മുതൽ 6 വരെ ചെറിയ ഉള്ളി - 8 മുതൽ 10 വരെ പുളി - നിങ്ങളുടെ രുചിയ്ക്കു അനുസര...

പ്രീയ പ്രേക്ഷകരെ ഇന്ന് ഞാൻ അവതരിപ്പിക്കുന്ന ഐറ്റം ഷുഗറും, പ്ലെഷറും, കാറും, സ്‌കൂട്ടറും ഒക്കെയുള്ള സമ്പന്നർക്കും, ഇതൊന്നുമില്ലാത്ത പഞ്ചോല പാവങ്ങൾക്കും ഒരുപോലെ ആരോഗ്യപ്രദമായ ഒന്നാണ്. പക്ഷേ ഒരു പ്രശ്നമുണ്ട്. "പ്രശ്നമുള്ളതൊക്കെ നീയെന്തിനാ മോളേ വയ്ക്കാൻ പോകുന്നെ " " അമ്മേ പ്രശ്നം എന്ന്  പറഞ്ഞാൽ പിന്നെ എന്നും ഇതേ വയ്ക്കു അതാ 😃 " തള്ള് തള്ള് ന്ന് കേട്ടിട്ടുണ്ട്.. ആദ്യമായിട്ട് കാണുകയാ " " ഞാൻ പ്രോഗ്രാം അവതരിപ്പിക്കുന്നതിനു മുൻപ് അമ്മയുടെ വായിൽ റാഗി ഇഡ്ഡലി ഒരെണ്ണം വച്ചു തരട്ടെ " " രുചി നോക്കാനാ.. ഞാൻ നോക്കിയല്ലോ?🙄 " അല്ല വായടപ്പിക്കാൻ. അല്ല പിന്നെ 😃 " ശരി പ്രേക്ഷകരെ നമുക്കു തുടങ്ങിയാലോ? " " അപ്പോ ഇതുവരെ തുടങ്ങിയില്ലേ?😜 " ഉം.. ഇനി മിണ്ടരുത്.. മൈൻഡ് യുവർ വേർഡ്‌സ് വർത്ത് "😃 ഇന്ന് നമുക്കു ഹെൽത്തി ഇഡ്ഡലിയും, കാട്ടുനെല്ലിക്കാ ചമ്മന്തിയും ഉണ്ടാക്കാം. ഇഡ്ഡലിക്കു ആവശ്യമായ സാധനങ്ങൾ. റാഗിമാവ് - 1കപ്പ് ഗോതമ്പ് - അര കപ്പ് അരിപ്പൊടി - കാൽ കപ്പ്. തേങ്ങ ചിരകിയത് - 1 കപ്പ്‌  or ആരോഗ്യ പ്രശ്നം ഉള്ളവർ പേരിന് ചേർത്താലും  നോ പ്രശ്നം. ഉപ്പ് -...

ഇന്നത്തെ ഉച്ചയൂണ് റെഡി.😍 അല്ലയോ പ്രേക്ഷക ലക്ഷങ്ങളെ ഞാൻ തീർത്ഥ. അപ്പോൾ ഇന്നത്തെ ഉച്ചയൂണിന്റെ മെനുവിലേക്കു കടക്കാം. " ആകപ്പാടെ 400 തികച്ചില്ല നിനക്ക് ഫെയിസൂക് ഫ്രെണ്ട്സ്. അപ്പോ പിന്നെ ഇതേതാ ലക്ഷം? " " അമ്മേ പറഞ്ഞപ്പോൾ ഓരൊഴുക്കിലു വന്നതാ.. ക്ഷമി.. ഇന്നത്തെ ഉച്ചയൂണിനുള്ള വിഭവങ്ങൾ നോം തന്നെ ഫിക്സ് ചെയ്തു. അതുകൊണ്ട് ഇത്തിരി വർക്കത്തിയുണ്ട്. അപ്പോൾ കാര്യത്തിലേക്കു കടക്കാം. ചോറ്, പരിപ്പ് പോടീ സോറി പൊടി വെറും മാങ്ങയിട്ട അവിയൽ, കേരറ്റു നല്ലമുളകിട്ട  മെഴുക്കു പുരട്ടി, വെറുച്വൽ പപ്പടം, അച്ചാറ് 😜 പോരേ.. അച്ചാറ് വേണോന്നുള്ളവര് അതും എടുത്തോളൂ. നമുക്ക് ഒരു വിരോധവും ഇല്ല്യ. നിങ്ങളുടെ ഡോക്ടർക്കു വിരോധം ഉണ്ടാവുമോന്നു നിങ്ങൾക്കല്ലേ അറിയൂ. ഇനി ഓരോന്നും എങ്ങനെ ആണ് ഉണ്ടാക്കുന്നതെന്ന് നോക്കാം. ചോറ്.. നിങ്ങൾക്കറിയാം. അപ്പോൾ അത് വിശദമാക്കുന്നില്ല. " പാവം പ്രേക്ഷര്.. നിന്റെ വധം ഇതെങ്ങനെ സഹിക്കുന്നു. " " അമ്മേ ഗെറ്റ് ഔട്ട്‌ ഹൌസ്. പ്രീയ പ്രേക്ഷകരെ കാര്യപരിപാടിയിൽ തടസ്സം നേരിട്ടത്തിൽ ഖേദിക്കുന്നു. 1. പരിപ്പുപൊടി കടലപ്പരിപ്പ് - 4 ടേബിൾ സ്പൂൺ തൂവരപ്പരിപ്പ് - 4 ടേബിൾ സ്പൂൺ ഉ...

ഞാൻ സുതീർത്ഥ, പാചകവും, വാചകവും പരിപാടിയിലേക്ക് സ്വാഗതം. വെറുതെ ഇരിക്കുമ്പോൾ പെട്ടെന്ന് എന്തെങ്കിലും കറുമുറാന്നു കഴിക്കാൻ തോന്നുമെനിക്ക്. അപ്പോൾ ഞാൻ എളുപ്പത്തിൽ ചെയ്യുന്ന ഒരു ഐറ്റം ആണ് അവില് വറുത്തത്. അവില് വിളയിച്ചത് നിങ്ങൾക്ക് അറിയാമായിരിക്കും . ഇതറിയാമോ എന്നറിയില്ല. പെട്ടെന്ന് വീട്ടിലേക്കു വരുന്ന അതിഥികളെ സൽക്കരിക്കാനും ഇത് പഷ്ട്. അപ്പോൾ റെഡി വൺ ടു ത്രീ. ആവശ്യമുള്ള സാധനങ്ങൾ. അവിൽ - രണ്ട്  കപ്പ് തേങ്ങ - ഒരു കപ്പ് പഞ്ചസാര - അരക്കപ്പ് നെയ്യ് - രണ്ട് മുതൽ മൂന്ന്‌ ടേബിൾ സ്പൂൺ. അണ്ടിപ്പരിപ്പ്, മുന്തിരി - ഇഷ്ടംപോലെ. ഐ ആം ദി സോറി. എന്റെ കൈയ്യിൽ സ്റ്റോക് ഇല്ല. അതുകൊണ്ട് ഇട്ടില്ല. നിങ്ങൾ ഇടണേ. എങ്കിൽ ടേസ്റ്റ് ഉഗ്രൻ ആണ്. കൊറോണ കാരണം വിചാരിച്ച നേരത്ത് കടയിലേക്ക് ഓടൽ ഇല്ല. അതാ. ഇനി കാര്യത്തിലേക്കു കടക്കാം. ചീനച്ചട്ടിയിൽ  കുറച്ച് നെയ്യൊഴിച്ച്‌ മിസ്റ്റർ അണ്ടിപ്പരിപ്പും, മിസ്സിസ് മുന്തിരിയെയും വറുത്തു കോരുക. പിന്നെ ബാക്കി നെയ്യൊഴിച്ച്‌  അവിലും, തേങ്ങയും ഇട്ട് ഇളക്കുക. ഒന്ന് മുറുമുറുപ്പ്😜 തുടങ്ങിയാൽ ഉടനെ പഞ്ചസാര ചേർക്കുക. നല്ല മൊരുമൊരുപ്പു വരുന്നതുവരെ ഇളക്കുക. വാങ്ങി വച്ച് തണുത്താൽ വായ...

പാചകവും, വാചകവും. അച്ഛാ ഇന്ന് ഉച്ചക്ക് മൂക്കുമുട്ടെ ബിരിയാണി തട്ടിയതാ.. യാവ്.. രാത്രി എന്താ പ്ലാൻ? മകൾ സുതീർത്ഥയുടെ ചോദ്യം കേട്ട് അച്ഛൻ ഒന്നാലോചിച്ചു.പിന്നെ പറഞ്ഞു. "തനി നാടൻ ആയാലോ? പാൽക്കഞ്ഞി വിത്ത്‌ സം ടച്ചിങ്സ്?" " ഞാൻ മനസ്സിൽ വിചാരിച്ചതെ ഉള്ളൂ. ലൈറ്റ് ആയിട്ട് എന്തെങ്കിലും എന്ന് " അച്ഛന്റെയും, മകളുടെയും സംഭാഷണത്തിൽ അമ്മ ഇടയ്ക്കു കയറി. " ഓക്കേ അപ്പോൾ പാൽക്കഞ്ഞി ആണെങ്കിൽ ടച്ചിങ്‌സ് അവിയൽ, ഒരു സമ്മന്തി... " മകൾ പറഞ്ഞത് കേട്ട് അച്ഛൻ ഓക്കേ ആക്കി. "അപ്പോൾ അമ്മ വേഗം കഞ്ഞിയുണ്ടാക്കു. ബാക്കി ഞാനും അച്ഛൻകുട്ടനും.. അച്ഛാ ഞാൻ പച്ചക്കറി അരിഞ്ഞു വയ്ക്കാം. അമ്മ തേങ്ങ ചിരകിക്കോളും. നുമ്മക്ക് അതിഷ്ടല്ല." " മടിച്ചിക്കോത " അമ്മ അവളെ വാത്സല്യപൂർവ്വം നോക്കിയിട്ട് അകത്തേക്ക് പോയി. " അപ്പോൾ എന്താ അച്ഛാ ചമ്മന്തി ഉണ്ടാക്കുക.. ങാ കിട്ടിപ്പോയി. കപ്പലണ്ടി ചമ്മന്തി.. " " കപ്പലണ്ടി ചമ്മന്തിയോ? " അച്ഛൻ മകളെ ജിജ്ഞാസയോടെ നോക്കി. "ഉം.. സൂപ്പർ സായ്‌നമാ.." പറഞ്ഞതും അവൾ അകത്തേക്കോടി. "അമ്മേ കപ്പലണ്ടി ഇരുപ്പൊണ്ടോ " അകത്തേക്ക് ചെന്ന...